Fedro 4.ep

Adhuc supersunt multa quae possim loqui,

Et copiosa abundat rerum varietas;

Sed temperatae suaves sunt argutiae,

Immodicae offendunt. Quare, vir sanctissime,

Particulo, chartis nomen victurum meis

Latinis dum manebit pretium litteris,

Si non ingenium, certe brevitatem adproba,

Quae commendari tanto debet iustius

Quanto poetae sunt molesti validius.